TotalFootball.am


05.04.20 22:49

Զավեն Բադոյան. ««Արարատում» ամեն ինչ նորմալ է. մեկուսացված ենք Ձորաղբյուրի մարզաբազայում»


Այս օրերին «Արարատի» ֆուտբոլիստները մեկուսացած են Ձորաղբյուրի մարզաբազայում:
«Արարատի» կիսապաշտպան Զավեն Բադոյանն ակումբի մամուլի ծառայության հետ զրույցում խոսել է իր և իր թիմակիցների առօրյայով.

-Զավեն ի՞նչ մթնոլորտ է թիմում:

-Թիմում ամեն ինչ նորմալ է, ֆուտբոլիստները մեկուսացված են Ձորաղբյուրի մարզաբազայում, նախապատրաստվում են առաջնության վերսկսմանը: Ֆիզիկական վիճակը փորձում ենք պահել՝ մարզվելով մարզասարքերով: Այստեղ, ինչպես գիտեք, բոլոր պայմանները կա մարզավիճակը ինչ-որ չափով պահելու համար, այնպես որ չենք դժգոհում: Նախքան այս իրավիճակը թիմը ապրում էր հյուրանոցում, սակայն որոշեցինք տեղափոխվել մարզաբազա՝ ֆիզիկական վիճակին հետևելու համար:

-Վերջերս խոսակցություններ էին պտտվում կապված ֆուտբոլիստների աշխատավարձերի ուշացման հետ, ինչ կասես դրա մասին:

-Անկեղծ ասած նման խոսակցություններ չեմ լսել և զարմանում եմ, թե որտեղից նման տեղեկություն, անգամ մարտ ամսվա աշխատավարձը ստացել ենք մի քանի օր առաջ և ամբողջությամբ:

-Երկար ժամանակ է խաղում ես «Արարատի» կազմում, ի՞նչ համեմատական կարող ես անցկացնել ներկայիս և նախորդ մրցաշրջանի կազմի միջև:

- Միանշանակ կարող եմ ընդգծել, որ թիմը շատ է հզորացել և փաստացի մասնակցում ենք չեմպիոնական մրցավազքին: Կարծում եմ, որ լավ հնարավորություններ ունենք: Կարող եմ փաստել և ակնառու է, որ ակումբի հովանավորներն այս տարի անհամեմատ շատ ներդրում են անում, որպեսզի թիմը հասնի ցանկալի արդյունքի:





  Լրահոս



Նորություններ


Ալաշկերտ   17   31
Արարատ-Արմենիա   16   30
Շիրակ   16   28
Լոռի   16   28
Արարատ   16   27
Նոա   16   24
Փյունիկ   16   23
Ուրարտու   16   20
Գանձասար-Կապան   17   15
Երևան   16

  0