TotalFootball.am


09.12.13 19:04

«Սուպեր Լիգա 2013». Րաֆֆի Քարամյան. «ԵՊՀ-ի թիմը շատ մարտական է տրամադրված»


TotalFootball.am-ի կողմից անցկացվելիք «Սուպեր Լիգա 2013» ֆուտզալի սիրողական մրցաշարին այս տարի մասնակցում է նաև Երևանի պետական համալսարանի՝ «ԵՊՀ»  թիմը: Մեր թղթակիցները զրուցեցին ԵՊՀ-ի ուսանողական խորհրդի Ռաֆայել Քարամյանի հետ:

Մինչ այս ի՞նչ մրցաշարերի եք մասնակցել,ու սպորտն առհասարակ ի՞նչ նշանակություն ունի ԵՊՀ-ի ուսանողների կյանքում:

- Նման միջոցառումների առաջին անգամ չենք մասնակցում, որովհետև ԵՊՀ-ի ուսանողական խորհուրդը շատ է կարևորում այսպիսի մրցաշարերը ու առողջ ապրելակերպի գաղափարը: Բազմաթիվ սպորտային միջոցառումների ենք մասնակցել ու տարբեր հաջողություններ ենք գրանցել, քանի որ ԵՊՀ-ի ուսանողները տարբեր մարզաձևերում իրենց թիմերն ունեն, դա կլինի մինի ֆուտբոլ, վոլեյբոլ, բասկետբոլ:  Բայց, իհարկե, ավելի մեծ թիվ են կազմում այն մարդիկ, ովքեր զբաղվում են մինի ֆուտբոլով, ու բացի միջբուհական և միջֆակուլտետային առաջնություններից, ունեցել ենք հաջողություններ նաև այլ մրցաշարերում, օրինակ TotalFootball.am-ի կողմից կազմակերպված «FanClubs Cup» մրցաշարում ԵՊՀ-ի նախկին և ներկա ուսանողներից կազմված «Բոկա Խունիորս» թիմով չեմպիոն դարձանք: Երկու տարի առաջ մասնակցել ենք «Բիզնես Լիգա»-ին, ու ճիշտն ասած անհաջող ելույթներ ունեցանք, քանի որ առաջին անգամ մասնակցելով այդ մրցաշարին՝ թերագնահատել էինք մրցակիցներին: Այս տարի արդեն ունենալով փորձ, ու այդ փորձի արդյունքում ձեռք բերելով որոշակի հմտություններ՝ կփորձենք ցույց տալ մեր իրական հնարավորությունները, շատ մարտական ենք տրամադրված ու ամենակարևորը չպետք է թերագնահատենք մեր մրցակիցներին:

Իսկ կպատմե՞ք ձեր թիմի մասնակիցների և երկրպագուների մասին:

- Երկրպագուների թիվն, իրոք, մեծ է. հիմնականում համալսարանականներ ու մասնակիցների թե՛ անձնական և թե՛ արդեն ընկերական շրջապատից երկրպագուներ ունենք: Թիմում, ինչպես արդեն նշեցի, ԵՊՀ-ի ներկա և նախկին ուսանողներ են լինելու, մեր թիմը կներկայանա «ԵՊՀ» անվամբ ու արդեն մրցաշարին մեր ասելիքը կասենք խաղի միջոցով:

Մասնակից մյուս թիմերին ծանո՞թ եք:

-Թիմերի ամբողջ կազմերին, բնականաբար, ծանոթ չեմ, բայց կան անհատական խաղացողներ ում հետ ծանոթ եմ: Գիտեմ, որ շատ ուժեղ ֆուտբոլիստներ են մասնակցելու այս մրցաշարին և պայքարը շատ թեժ է լինելու:

Ո՞րն է Ձեր սիրած թիմը, և ո՞վ՝ ֆուտբոլիստը:

- Սիրածս թիմը «Բարսելոնա»-ն է, իսկ ֆուտբոլիստը՝ Պատրիկ Կլյուվերտը:

Հայկական ֆուտբոլին հետևու՞մ եք:

- Երբ ժամանակ է լինում, անպայման փորձում եմ հետևել նաև հայկական ֆուտբոլին:

Ձեր ուղերձը մասնակից մյուս թիմերին:

- Բոլորիս մաղթում եմ առողջ մրցակցություն և թո՛ղ հաղթի ուժեցագույնը:





  Լրահոս



Super Liga


Վան   2   6
Ուրարտու   2   4
Ալաշկերտ   2   4
Արարատ   1   3
Արարատ-Արմենիա   2   2
Շիրակ   1   1
Նոա   2   1
Գանձասար-Կապան   2   1
Փյունիկ   3   1
Լոռի   1

  0