TotalFootball.am


27.08.13 00:11

Հայաստանի առաջնության երրորդ տուրի խորհրդանշական հավաքակաանը


Totalfootball.am-ն ավանդույթի համաձայն ներկայացնում տուրի խորհրդանշական հավաքական: Այս անգամ նախորդ տուրի համեմատությամբ պահպանվել է ոչ միայն 3-4-3 խաղային սխեման, այլև մի քանի ֆուտբոլիստներ նախորդ հավաքականից

Ստեփան Ղազարյան («Արարատ») 

«Արարատի» դարպասապահը միակն է, որն անառաիկ պահեց իր դարպասը երրորդ տուրում:

Միլոշ Ստամենկովիչ («Արարատ»)

Սերբ պաշտպանն «Ուլիսի» դեմ խաղում աչքի ընկավ վստահ և գրագետ գործողություններով:

Վարազդատ Հարոյան («Փյունիկ»)

Կենտրոնական պաշտպանը նվեր մատուցեց իրեն ծննդյան օրվա առթիվ՝ «Ալաշկերտի» դեմ խաղում դառնալով գոլի հեղինակ:

Վարդան Մովսիսյան («Միկա»)

22-ամյա ֆուտբոլիստի ջանքերով «Միկան» կարողացավ խույս տալ  պարտությունից «Գանձասարի» դեմ խաղի արդյունքում: Հենց նրա հարվածի արդյունքում մրցակցի պաշտպանը ձեռքով խաղաց, ինչի հետևանքով էլ 11 մետրանոց նշանակվեց կապանցիների դարպասին:

Գոռ Մալաքյան («Փյունիկ»)

«Ալաշկերտի» դեմ խաղում «Փյունիկի» հաղթանակի գլխավոր դերակատարներից էր Գոռ Մալաքյանը: Խաղալով դաշտի կենտրոնում նա վստահ էր խաղում, լավ էր սկսում իր թիմի գրոհները, ինչպես նաև դարձավ գոլի ու գոլային փոխանցման հեղինակ:

Դավիթ Մանոյան («Փյունիկ») (2*)

Մանոյանն իր ավագի խոսքն ասաց այն ժամանակ, երբ «Ալաշկերտի» դեմ խաղում 2:1 հաշվի ժամանակ լարվածությունը հասել էր գագաթնակետին և, վստահորեն եզրափակելով, Գոռ Մալաքյանի ճշգրիտ փոխանցումը, Մանոյանը վերացրեց ընտրիգը խաղում:

Արտակ Դաշյան («Գանձասար») (3)

Դաշյանը ևս մեկով ավելացրեց իր խփած գոլերի թիվը նոր առաջնությունում և այժմ հինգ գոլով է գլխավորում ռմբարկուների ցուցակը: Արտակը դարձել է մեր խորհրդանշական հավաքականների մշտական մասնակիցը: (3)

Խորեն Վերանյան («Արարատ»)

26-ամյա ֆուտբոլիստը աչքի էր ակտիվ էր գործում ամբողջ խաղի ընթացքում, իսկ վճռական գոլը ծնվեց հենց նրա եզրային անցման ու դիպուկ փոխանցման արդյունքում:

Անդրանիկ Բարիկյան («Շիրակ»)

Փորձառու ֆուտբոլիստը «Բանանցի» դեմ խաղում դուբլի հեղինակ դարձավ՝ նախ մոտ տարածությունից եզրափակելով խաղընկերոջ փոխանցումը, ապա վստահ իրացրեց 11 մետրանոցը:

Սերժ Դեբլե («Շիրակ») (2)

23-ամյա ֆուտբոլիստն ամենաակտիվն էր գյումրեցիների կազմում և «Բանանցի» դեմ խաղում անընդհատ լարվածության մեջ էր պահում մրցակցին:

Գևորգ Նռանյան («Արարատ»)

Գևորգի դիպուկ հարվածի շնորհիվ «Արարատն. առաջին երեք միավորը վաստակեց նոր առաջնությունում:

Գլխավոր մարզիչ՝ Ռաֆայել Նազարյան - Ռաֆայել Նազարյանի թիմը դինամիկ և մոբիլ խաղ ցուցադրեց՝ ստանձնելով առաջնության առաջատարի դերը:

* - Խաղացողների դասավորությունը խաղադաշտում պայմանական է: Փակագծերում նշված է, թե ֆուտբոլիստը քանի անգամ է այս մրցաշրջանում հայտնվել խորհրդանշական հավաքականում:





  Լրահոս



Հայաստան


Ալաշկերտ   17   31
Արարատ-Արմենիա   16   30
Շիրակ   16   28
Լոռի   16   28
Արարատ   16   27
Նոա   16   24
Փյունիկ   16   23
Ուրարտու   16   20
Գանձասար-Կապան   17   15
Երևան   16

  0