TotalFootball.am


18.09.13 23:38

Արա Հովհաննիսյան. «Մեր հաղթելու ցանկությունն այսօր ավելի մեծ էր»


Սեպտեմբերի 18-ին «Հանրապետական» մարզադաշտում Հայաստանի գավաթի խաղարկության քառորդ եզրափակիչ փուլի շրջանակներում «Ալաշկերտ»-ը հյուրընկալել էր «Միկա»-ին (1:0): Հանդիպումից հետո լրագրողների հետ զրուցեց ալաշկերտցիների թիմի ավագ Արա Հովհաննիսյանը.

-Խաղի մասին ի՞նչ կասես:

-Միշտ հաճելի է, երբ առաջին հաղթանակ ես ունենում, մանավանդ այս դեպքում, մենք ծանր դրության մեջ էինք գտնվում. առաջնության շրջանակներում ծանր պարտություն էինք կրել: Շատ հաճելի էր խաղը ու հույս ունենք, որ այսպես էլ կշարունակենք:

-Ի՞նչ կասես նշածդ պարտության վերաբերյալ (հեղ. ՀՀ առաջնության 5-րդ տուր «Գանձասար»- «Ալաշկերտ» 9:2 ) :

-Թյուրիմացություն էր:

-Ինչպե՞ս կգնահատես «Միկա»-ի այսօրվա խաղը:

-«Միկա»-ն միշտ էլ բարձունքում է եղել, լավ թիմ է, հին կոլեկտիվ ունի և նրանք իրար լավ են կարողանում հասկանալ, լավ խաղ են ցուցադրում: Այսօր, երևի թե, մենք ավելի շատ ցանկություն ունեինք հաղթելու, այդ պատճառով էլ հաղթեցինք:

-Անցած խաղում հանդես էիր գալիս պաշտպանությունում, իսկ այսօր կիսապաշտպանի դերում էիր. ո՞ր գծում էր ավելի հեշտ քեզ համար:

-Որոշողը մարզիչն է: Ես պրոֆեսիոնալ եմ և ընդունում եմ մարզչի բոլոր հրահանգները:

-Ի՞նչ կարելի է սպասել «Ալաշկերտ»-ից:

-Ինչպես սկզբում ասել ենք, միշտ էլ ցանկանում ենք լավ նվաճումներ ունենալ, բայց սա ֆուտբոլ է: Փորձում ենք միշտ բարձունքում լինել ու սկսում ենք գավաթային խաղերը հաղթելով, տեսնենք՝ ինչ կստացվի:





  Լրահոս



Հայաստան


Լոռի   15   28
Արարատ-Արմենիա   15   27
Ալաշկերտ   15   27
Արարատ   15   27
Շիրակ   15   25
Նոա   15   24
Փյունիկ   15   20
Ուրարտու   15   17
Գանձասար-Կապան   15   14
Երևան   15

  0