TotalFootball.am


23.09.13 19:38

«Փյունիկն» ու «Արարատը» առաջատարներ՝ «Փյունիկ» - «Արարատ» խաղից առաջ. ինչո՞վ էր առանձնահատուկ 6-րդ տուրը


Հայաստանի առաջնության վեցերերդ տուրի հանդիպումներից երկուսում ոչ-ոքի գրանցվեց, մեկ խաղում հաղթեցին դաշտի տերերը, մեկ դեպքում էլ հյուրերը երեք միավոր վաստակեցին:

Տուգանայինները հաղթանակ են բերում «Փյունիկին»

«Փյունիկը» մրցաշարային աղյուսակում առաջին հորիզոնականը պահպանեց Գյումրիում տարած 0:2 հաշվով հաղթանակի շնորհիվ: Երևանցիները երկու գոլերն էլ խփեցին տուգանայիններից: Նախ հեռահար հարվածով աչքի ընկավ Գագիկ Պողոսյանը, ապա ավելի մոտ տարածությունից մրցակցի դարպասը գրավեց Աղվան Պապիկյանը:

Պապիկյանը բացում է իր գոլերի հաշիվը Հայաստանում

Տուգանայինից խփած այդ գոլը Աղվան Պապիկյանի համար առաջինն էր Հայաստանի առաջնություններում: Այս տուրում նաև իրենց նոր թիմերի կազմում գոլեր հեղինակեցին «Միկայի» ֆուտբոլիստ Սարգիս Կարապետյանն ու «Արարատի» ֆուտբոլիստ Արսեն Բալաբեկյանը:

Գլխավոր փորձը սուպերգավաթից առաջ

«Շիրակ» - «Փյունիկ» հանդիպումից ընդամենը մի քանի օր անց՝ երեքշաբթի օրը նույն թիմերը կհանդիպեն նաև սուպերգավաթային խաղում: Հետխաղյա ասուլիսում Վարդան Բիչախչյանը նշեց, որ իր թիմը մեծ ցանկություն ունի այդ տիտղոսը նվաճելու համար, քանի որ ֆուտբոլում մրցանակները շատ չեն, իսկ Ռաֆայել Նազարյանը նշեց, որ թիմում փոփոխություններ կլինեն և հանգստանալու հնարավորություն կստանան հիմնական կազմի մի շարք խաղացողներ:

Ինտրիգ՝ առաջին շրջանի վերջին տուրից առաջ

«Ալաշկերտի» նկատմամբ «Արարատի» 5-0 հաշվով հաղթանակը նշանակում է, որ սեպտեմբերի 28-ին կայանալիք «Փյունիկ» - «Արարատ» հանդիպումն ինտրիգային է լինելու առաջին շրջանի հաղթողին որոշելու հարցում: Այժմ «Փյունիկն» ընդամենը մեկ միավորով է առաջ «Արարատից», և թիմերը զբաղեցնում են առաջին և երկրորդ հորիզոնականները:

«Ալաշկերտի» զուգադիպությունը

Հայտնի անեկդոտն ասում է, որ առաջին անգամը պատահականություն, երկրորդը՝ զուգադիպություն, երրորդը՝ արդեն սովորություն: «Ալաշկերտն» առաջնության երկորրդ անընդմեջ խաղում է խոշոր հաշվով պարտվում: Առաջինը թիմի ներկայացուցիչները պատահականություն համարեցին, երկրորդն ուրեմն զուգադիպություն է և թիմն ամեն ինչ պետք է անի, որպեսզի խոշոր հաշիվները Հայաստանի առաջնությունում սովորություն չդառնան:

Ուլիսը կրկին հաղթանակը ձեռքից բաց է թողնում վերջին րոպեին 

Իսկ «Ուլիսի» մոտ սովորություն դառնալուն ձգտող զուգադիպություն տեղի ունեցավ «Միկայի» հետ հանդիպման վերջին րոպեին: Ինչպես և նախորդ տուրում, երբ թիմը վերջին րոպեին գոլ բաց թողեց «Փյունիկի» դեմ խաղում և ձեռքից բաց թողեց հաղթանակը, այս անգամ էլ նույն պատմությունը կրկնվեց «Միկայի» դեմ հանդիպման վերջին րոպեին: Արդյունքում մրցաշարային աղյուսակում պահպանվեց «Ուլիսի» հաղթանակների և «Միկայի» պարտությունների դիմաց 0 թիվը:

Պետք է իրացնել պահերը...

Իսկ գոլազուրկ ոչ-ոքիով ավարտված «Բանանց» - «Գանձասար» խաղից հետո մարզիչների ասուլիսները նույն վերնագիրը ստացան: Ժոլտ Հորնյակն ու Սևադա Արզումանյանը համակարծիք էին, որ ոչ-ոքիից ավելի լավ արդյունք ստանալու համար պետք է գոլ խփել: Եթե երկու մարզիչների ցանկությունն էլ իրականանա, հավանակաբար, ոչ-ոքի կգրանցվի, բայց շատ ավելի դիտարժան ֆուտբոլասերների համար, քանի որ ֆուտբոլը, ինչպես ասում են, գեղեցիկ է գոլերով:

Դավիթ Գալստյան





  Լրահոս



Հայաստան


Լոռի   15   28
Արարատ-Արմենիա   15   27
Ալաշկերտ   15   27
Արարատ   15   27
Շիրակ   15   25
Նոա   15   24
Փյունիկ   15   20
Ուրարտու   15   17
Գանձասար-Կապան   15   14
Երևան   15

  0