TotalFootball.am


25.09.13 01:02

Բոտի Դեմել. «Մարզիչն ասել էր, որ պետք է հաղթենք «Փյունիկ»-ին»


«Շիրակ»-ի կոտդիվուարցի 24-ամյա հարձակվող Բոտի Դեմելը, Հակոբ Տոնոյանի անվան սուպերգավաթը նվաճելուց հետո պատասխանեց TotalFootball.am-ի թղթակցի հարցերին:

Հայաստանի սուպերգավաթը նվաճեցիր թիմիդ հետ միասին. Ի՞նչ տպավորություններ ունես:

- Շատ ուրախ եմ այս տիտղոսի նվաճման համար: Անցած տարի Վրաստանում էի, ու այսպիսի գավաթ նաև այնտեղ եմ նվաճել: Սա իմ երկրորդ գավաթն է: Մեզ համար այս հաղթանակը շատ կարևոր էր, անցյալ շաբաթ սեփական հարկի տակ պարտվեցինք «Փյունիկ»-ին ու շատ ուրախ եմ, որ այսօր կարողացանք հաղթել:  Նույն սպասելիքներն ունեմ «Միկա»-ի հետ կայանալիք առաջնության հաջորդ խաղից:

Հե՞շտ տրվեց այս հաղթանակը:

- Սա ֆուտբոլ է և ոչինչ հեշտ չի տրվում: Բայց մենք արեցինք ամեն ինչ այդ հաղթանակին հասնելու համար:

Որո՞նք էին այսօր ձեր առավելությունները:

- Մենք այսօր ավելի հավաքված էինք խաղում: Մինչ խաղը խոսել էինք մարզչի հետ, նա ասել էր, որ պետք է անպայման հաղթենք այս խաղում, որովհետև տանը մի քանի օր առաջ պարտվել էինք «Փյունիկ»-ին և որ այս սուպերգավաթը շատ կարևոր է մեզ համար: Այսպիսով, մենք եկանք ու կարողացանք հաղթել: 

«Փյունիկ»-ի կազմում այսօր շատ փոփոխություններ կային Գյումրիում անցկացրած խաղի հետ համեմատ. Նրանց խաղի մասին ի՞նչ կասես:

- Այսօր «Փյունիկ»-ի ցուցադրած խաղը նույնը չէր, ինչ Գյումրիում: Գյումրիում նրանք ավելի լավ խաղացին: Մենք այսօր պահեր ունեցանք և կարողացանք հաջողության հասնել:

«Շիրակ»-ում  քեզ ինչպե՞ս ես զգում:

- Ամեն ինչ հիանալի է: Թե՛ մարզչի, թե՛ թիմի տղաների և թե՛ ակումբի մնացած անձնակազմի հետ շատ լավ հարաբերությունների մեջ եմ:

Իսկ ի՞նչ սպասելիքներ ու նպատակներ ունես «Շիրակ»-ի հետ կապված:

- «Շիրակ» եմ եկել լավ ֆուտբոլ խաղալու,  թիմում լավագույններից մեկը լինելու և իհարկե իմ թիմին օգնելու՝ նոր նվաճումների և հաջողությունների հարցում:





  Լրահոս



Հայաստան


Ամենաընթերցվածները

Լոռի   15   28
Արարատ-Արմենիա   15   27
Ալաշկերտ   15   27
Արարատ   15   27
Շիրակ   15   25
Նոա   15   24
Փյունիկ   15   20
Ուրարտու   15   17
Գանձասար-Կապան   15   14
Երևան   15

  0