TotalFootball.am


21.01.20 01:02

Հենրիխ Մխիթարյանն այսօր դարձավ 31 տարեկան


Հայաստանի ազգային հավաքականի և «Ռոմայի» կիսապաշտպան Հենրիխ Մխթարյանն այսօր դարձավ 31 տարեկան:

Հայաստանի հավաքականի պատմության լավագույն ռմբարկուն բազում հաջողություններ է գրանցել կարիերայի ընթացքում, նվաճել մի շարք տիտղոսներ: 

Հենոն Երևանի «Փյունիկի» սան է, հանդես է եկել Դոնեցկի «Մետալուրգում» և «Շախտյորում»՝ դառնալով Ուկրաինայի չեմպիոն, գավաթակիր և սուպերգավաթակիր: 2013 թվականին տեղափոխվել է Դորտմունդի «Բորուսիա»: Գերմանիայում նա երկու անգամ գլխավերևում է պահել երկրի Սուպերգավաթը: 

Մինչև 2018 թվականը հանդես է եկել անգլիական «Մանչեսթեր Յունայթեդում»:  «Կարմիր սատանաների» կազմում նվաճել է Եվրոպա լիգայի տիտղոսը, դարձել է Անգլիայի Լիգայի Գավաթի հաղթող ու նվաճել Անգլիայի Սուպերգավաթը: 2018 թվականի հունվարի 22-ին Մխիթարյանը 4 տարվա պայմանագիր է կնքել Լոնդոնի «Արսենալի» հետ:

Այս մրցաշրջանի սկզբում մեր ընտրանու ֆուտբոլիստը վարձավճարով տեղափոխվել է «Ռոմա»:

Totalfootball-ի ամբողջ անձնակազմը շնորհավորում է մեր ազգային թիմի ավագի ծննդյան տարեդարձը: Ցանկանում ենք, որ Մխիթարյանը կարիերայի հետագա ընթացքում զերծ լինի վնասվածքներից և խփած գոլերով ու նվաճած տիտղոսներով երջանկացնի հայ երկրպագուներին:





  Լրահոս



Հայաստան


Լոռի   15   28
Արարատ-Արմենիա   15   27
Ալաշկերտ   15   27
Արարատ   15   27
Շիրակ   15   25
Նոա   15   24
Փյունիկ   15   20
Ուրարտու   15   17
Գանձասար-Կապան   15   14
Երևան   15

  0