TotalFootball.am


23.02.21 00:01

Մենդի. «Մանկության տարիներին բժիկն ասել էր, որ ոտքս, հնարավոր է, անդամահատեն»


La confesión más dramática de Mendy - Eurosport

«Ռեալի» պաշտպան Ֆերլան Մենդին խոսել է մանկության տարիներին ստացած վնասվածքի մասին: 

«Ես դժվար ժամանակներ եմ ապրել, բայց կարողացել եմ հաղթահարել այն: Ես յոթ տարի անցկացրել եմ ՊՍԺ-ում, խաղացել Մ 11- թիմում, բայց վնասվածք եմ ստացել ակադեմիա ընդունվելուց առաջ: 

Ես ազդրի վնասվածք ունեի, վիրահատության կարիք կար: Ես հիվանդանոցում էի և վերականգնվելու համար երկար ժամանակ պահանջվեց: Երկու-երեք ամիս գիպսի մեջ էի: Վիրահատությունից հետո բժիշկը եկավ ինձ մոտ և ասաց, որ այլևս չեմ կարողանա ֆուտբոլ խաղալ: Բացի այդ, նա ասաց, որ հնարավոր է, ոտքս անդամահատեն: Մի որոշ ժամանակ ես անվասայլակում էի, հետո հենակներով էի, իսկ հետո ստիպված էի նորից քայլել սովորել:
Մտածեցի, որ կարող եմ միանգամից քայլել, փորձեցի, դուրս եկա անվասայլակից, բայց անմիջապես ընկա: Ոտքերիս մեջ ուժ չկար, քանի որ երկար ժամանակ չէի շարժվում:

Բայց ես միշտ հավատում էի, որ ֆուտբոլն ինձ համար ավարտված չէ, և բոլորին ասում էի, որ կվերադառնամ:
Շատերը կարծում էին, որ դա անհնար է, բայց ես նորից քայլել սովորեցի և ազդրի ցավի հետ խաղացի մեկ ու կես տարի: Դրանից հետո ինձ անվանում էին լավագույն ձախ պաշտպան»,- Մենդիի խոսքն է մեջբերել AS-ը: 





  Լրահոս



Աշխարհ


Արարատ   13   25
Ալաշկերտ   13   25
Լոռի   14   23
Արարատ-Արմենիա   12   21
Նոա   13   19
Ուրարտու   12   18
Վան   15   15
Փյունիկ   13   9
Շիրակ   13   6