TotalFootball.am


15.10.20 00:40

[ՎԻԴԵՈ] Հայաստանի հավաքականը ձեռքից բաց թողեց խումբը գլխավորելու շանսը


Ազգերի լիգայի C դիվիզիոնի երկրորդ խմբում 4-րդ տուրում Հայաստանի հավաքականը հյուրընկալվելիս Տալինի «Ա Լե Կոկ» մարզադաշտում մրցեց Էստոնիայի հավաքականի հետ: Հանդիպումն ավարտվեց ոչ-ոքի՝ 1-1 հաշվով:

Խաղի հաշիվը բացվեց 8-րդ րոպեին, երբ Կամո Հովհաննիսյանը Տիգրան Բարսեղյանի փոխանցումից հետո գնդակը գլխի հարվածով ուղարկեց մրցակցի դարպասը՝ բացելով նաև իր գոլերի հաշիվը Ազգային ընտրանու կազմում:

13-րդ րոպեին Էստոնիայի հավաքականի կազմում Ռաունո Սապինենը հավասարեցրեց հանդիպման հաշիվը։

Հանդիպման 40-րդ րոպեին վնասվածքի պատճառով խաղադաշտը լքեց Հայաստանի հավաքականի հենակետային կիսապաշտպան Արտակ Գրիգորյանը: Նրա փոխարեն խաղադաշտ դուրս եկավ Սոլոմոն Իմե Ուդոն՝ նշելով նորամուտը մեր ազգային ընտրանու կազմում:

Երկրորդ խաղակեսում գոլեր չարձանագրվեցին:

Այս խաղից հետո Հայաստանի հավաքականը 5 միավորով շարունակում է մնալ երրորդ հորիզոնականում: Էստոնիան 4-րդն է 2 միավորով:





  Լրահոս



Նորություններ


Ամենաընթերցվածները

Վան   2   6
Ուրարտու   2   4
Ալաշկերտ   2   4
Արարատ   1   3
Արարատ-Արմենիա   2   2
Շիրակ   1   1
Նոա   2   1
Գանձասար-Կապան   2   1
Փյունիկ   3   1
Լոռի   1

  0