TotalFootball.am


05.06.19 22:48

Fanclubs CUP-2019. Տիգրան Զաքարյան. Երկրորդ տեղը վատ արդյունք չեմ համարում


Fanclubs CUP-2019 ֆուտզալի սիրողական մրցաշարում երկրորդ տեղը զբաղեցրին «Մանչեսթեր Սիթիի» երկրպագուները՝ եզրափակչում զիջելով «Յուվենտուսին»:

Թիմի խաղացող Տիգրան Զաքարյանը մեզ հետ զրույցում կիսվել է տպավորություններով.

«Նախ պետք է ասեմ, որ մեր թիմը ժամերի ընթացքում է հավաքվել ու մենք առաջին անգամ էինք միասին առաջնության մասնակցում: Բոլորս էլ խաղում ենք տարբեր թիմերում, բայց միասին առաջին անգամ էինք հանդես գալիս:

Կարծում եմ՝ մեզ խանգարեց փորձը: «Յուվենտուսն» ավելի փորձառու տղաներ ունի, ովքեր շատ ավելի երկար ժամանակ են իրար հետ խաղում: Պետք է առաձնացնել նաև նրանց դարպասապահին, որը ֆանտաստիկ էր: «Յուվենտուսը» երեկ ավելի ուժեղ էր ու հաղթեց: Շնորհավորում եմ:

Իսկ մեզ համար վատ արդյունք չեմ համարում պատվավոր երկրորդ տեղը:

Ինչ վերաբերում է մրցակցությանը, պետք է նշեմ, որ այս անգամ շատ ավելի ուժեղ թիմեր էին հավաքվել:

Ինձ համար մեր ամենադիտարժան խաղն «Էվրիկայի» հետ էր, երբ պարտվում էինք, բայց կարողացանք հավաքվել ու հաղթել (5:4): Ինձ շատ դուր եկավ այս առաջնությունը: Մեզ համար սա ևս մեկ փորձ էր, հետևություններ կանենք հաջորդ անգամ ավելի լավ մասնակցելու և խաղալու համար»,- իր խոսքում նշեց Տիգրան Զաքարյանը:





  Լրահոս



Fanclubs CUP


Ամենաընթերցվածները

Արարատ   8   19
Շիրակ   8   17
Լոռի   6   13
Ալաշկերտ   7   13
Արարատ-Արմենիա   6   13
Նոա   8   11
Փյունիկ   7   9
Ուրարտու   8   5
Գանձասար-Կապան   8   4
Երևան   8

  0