TotalFootball.am


23.12.14 16:26

Ֆուտզալի և Կանանց ֆուտբոլի մրցանակները գտան իրենց տերերին


Հայաստանի Ֆուտբոլի Ֆեդերացիայում այսօր` դեկտեմբերի 23-ին, տեղի ունեցավ Ֆուտզալի, ինչպես նաև Կանանց ֆուտբոլի 2014 թվականի աշնանային մրցաշարի հաղթողների պարգևատրման արարողությունը:

Ինչպես հայտնի է, Կանանց ֆուտբոլի 2014/15 թթ. աշնանային ստուգողական մրցաշարում հաղթող է ճանաչվել «Երևան-Գ.Մ.» թիմը, իսկ երկրորդ և երրորդ հորիզոնականներում հանգրվանել են «ԱՖԴ Աղջիկներ» (Արթիկ) և «Երևան -Լ.Հ.»  թիմերը` համապատասխանաբար:

Ավանդաբար, մրցանակներ հանձնվեցին նաև մրցաշարի լավագույն ֆուտբոլիստուհիներին.

Լավագույն դարպասապահ - Լենա Անդրեասյան 

Լավագույն ռմբարկու – Լուսինե Հովհաննիսյան 

Լավագույն հարձակվող  -Լիանա Յաղմուրյան

Լավագույն կիսապաշտպան - Սոֆիկ Թորոսյան

Լավագույն պաշտպան - Մարիամ Ստեփանյան

Մրցաշարի լավագույն մարզիչ ճանաչվեց «Երևան-Գ.Մ.» թիմի գլխավոր մարզիչ  Գայանե Մկրտչյանը, իսկ 2014 թվականի կանանց ֆուտբոլի լավագույն մարզիչը Հայաստանի մինչև 16 տարեկանների հավաքականի գլխավոր մարզիչ Լիանա Հայրապետյանն է:

«Երևան-Գ.Մ.» թիմը ներկայացնող Մարիամ Ստեփանյանը, ով նաև ճանաչվեց մրցաշարի լավագույն պաշտպան, մեր թղթակցի հետ զրույցում խոստովանեց, որ չէր սպասում, որ կարժանանա նման մրցանակի, չնայած.

«Շատ հաճելի էր: Ցանկանում եմ շնորհակալություն հայտնել Ֆուտբոլի Ֆեդերացիային և կոմիտեի անձնակազմին, ովքեր կազմակերպեցին մեր մրցաշարը: Շատ էի սպասում մեր ակումբի հաղթանակին: Վերջապես եկավ այդ օրը, իսկ հիմա պատասխանատվությունն ու զգոնությունը էլ ավելի է մեծանում: Այս անգամ մրցակցությունը բավական բարդ էր, թիմերը բավական լուրջ էին նախապատրաստվել»,- նշեց Մարիամը: 

Այնուհետև հերթը Հայաստանի Ֆուտզալի 2013/14 մրցաշրջանի Բարձրագույն խմբի առաջնության մրցանակակիրներինն էր:

Հայաստանի Ֆուտզալի հավաքականի` վերջին տպավորիչ ելույթներից հետո այստեղ ևս մեծ էր ոգևորությունը: ՀՖՖ գործկոմի կանանց ֆուտբոլի և ֆուտզալի կոմիտեի նախագահ Սուքիաս Ավետիսյանը նախ բոլոր թիմերին շնորհավորեց ստացած մրցանակների առթիվ և հույս հայտնեց, որ նոր տարում կլինեն նոր ձեռքբերումներ և նոր հաջողություններ` հաշվի առնելով նաև այն հանգամանքը, որ 2015 թվականը պատասխանատու տարի է այս երկու հավաքականների համար:

Հայաստանի Ֆուտզալի 2013/14 մրցաշրջանի չեմպիոնը Վանաձորը ներկայացնող «Թալ-Գրիգ» ակումբն է: Երկրորդ տեղում է «Պոլիտեխնիկ» թիմը, իսկ երրորդում` Գյումրու «Գյումրի» թիմը:

Այստեղ ևս վճռվեցին լավագույններն ու ստացան իրենց մրցանակները: Մրցաշարի լավագույն ռմբարկու ճանաչվեց Էգդար Կիրակոսյանը, իսկ լավագույն ֆուտբոլիստը Արմեն Բաբայանն է:

Նարե Հովհաննիսյան





  Լրահոս



Հայաստան


Արարատ   8   19
Շիրակ   8   17
Լոռի   6   13
Ալաշկերտ   7   13
Արարատ-Արմենիա   6   13
Նոա   8   11
Փյունիկ   7   9
Ուրարտու   8   5
Գանձասար-Կապան   8   4
Երևան   8

  0