TotalFootball.am

19.11.16 14:53

Լևոն Ստեփանյան. «Հենրիխ Մխիթարյանը դեռ կդրսևորի իրեն Անգլիայում, աստիճանաբար մարզավիճակ կհավաքի»


TotalFootball.am-ի թղթակիցը զրուցել է Երևանի «Արարատի» նախկին կիսապաշտպան Լևոն Ստեփանյանի հետ, ով ֆուտբոլային կարիերայի մեծ մասն անցկացրել է Իրանում: Ստեփանյանը խոսել է Հայաստանի առաջնության, Հայաստանի ազգային հավաքականի մարզչական շտաբի և այլ թեմաների մասին:

Մի տարի է՝ վերադարձել եմ Հայաստան, դեռ չեմ աշխատում: Սպասողական վիճակ է, ամեն պահի հնարավոր է առաջարկ ստանամ Իրանից: Եթե մինչև դեկտեմբերի վերջ հրավեր չունենամ Իրանից, ամենայն հավանականությամբ, այստեղի ակումբներից մեկում աշխատանքի կանցնեմ: Տեսնենք ինչպես կստացվի:

Առաջարկներ կան համագործակցելու և աշխատելու, բայց ես ինքս չեմ համաձայնում, քանի որ սպասում եմ ձմեռային դադարին, Հավանականությունը մեծ է, որ թիմ գտնվի Իրանում: Եթե չստացվի՝ այստեղ կանցնեմ աշխատանքի:

- Արդյո՞ք հետևում եք Հայաստանի առաջնության խաղերին:

- Առաջնության գրեթե բոլոր խաղերին գնում եմ: Ինչպես գիտեք՝ թիմերի քանակը քիչ է, և խաղերը հիմնականում անցկացվում են շաբաթ և կիրակի օրերին: Ամեն տուրից երկու խաղ կայանում է Երևանում: Համարյա բոլոր խաղերին ներկա եմ եղել, գրեթե բոլոր թիմերի խաղին ծանոթ եմ:

«Փյունիկը» միշտ տեղ է տվել երիտասարդ խաղացողներին և նույնիսկ հասել է արդյունքի: Եթե նկատել եք՝ «Փյունիկում» խաղում են 1995, 1996, 1997 և 1998 թվականներին ծնված ֆուտբոլիստներ, ովքեր, ճիշտ է, փորձի պակաս ունեն, բայց ժամանակի ընթացքում փորձ ձեռք կբերեն: Մյուս թիմերում էլ կան լավ ֆուտբոլիստներ: Օրինակ՝ «Ալաշկերտում» հավաքաված են փորձառու ֆուտբոլիստներ, ովքեր դարձել են Հայաստանի չեմպիոն: 

Իմ կարծիքով՝ «Փյունիկը» համար առաջինն է, քանի որ հույսը դրել է տեղի ֆուտբոլիստների վրա: Արդյունքն այն է, որ բոլոր տարիքայինների հավաքականներում կան «Փյունիկի» բազմաթիվ ֆուտբոլիստներ:

Եթե վերցնենք խաղային դիրքերով, ապա շատ եմ հավանում «Արարատի» դարպասապահին՝ Արամ Հայրապետյանին, ում իսկապես կուզեի տեսնել հավաքականում: Ինձ թվում է, որ Հայրապետյանը կարող է օգուտ տալ հավաքականին:

- Ըստ Ձեզ՝ ինչո՞վ է պայմանավորված առաջնության ցածր մակարդակը:

- Առաջնության մակարդակը կապված է թիմերի քանակի հետ: Մի մրցաշրջանի ընթացքում թիմերը 6 անգամ խաղում են միմյանց հետ, ինչքան կարելի է, դա չլսված բան է: Պարզ է, որ չի լինի անհրաժեշտ մոտեցումը, մոտիվացիան և ձգտումը: Բայց, ընդհանուր առմամբ, վատ չէ: 6 թիմերի պայքարում էլ հնարավոր չէ ասել, թե որն է ուժեղ, որը՝ թույլ:

«Շիրակը» միշտ խաղացել է տեղի ֆուտբոլիստներով, 1992 թվականից եղել է մրցանակային տեղերի հավակնորդների թվում: Այս տարի բավական լավ մարզավիճակում է «Գանձասար-Կապանը»: Ճիշտ է, առաջնության մեկնարկում 3-4 պարտություն կրեցին, բայց հիմա լավ մարզավիճակում է: Նույնը կարող եմ ասել «Բանանցի» վերաբերյալ: Վստահ եմ, որ Արթուր Ոսկանյանի շնորհիվ մեծ փոփոխություններ կլինի թմում: Նա լավագույն երիտասարդ մարզիչներից է: «Բանանցը» աստիճանաբար կգտնի իր տեղը:

- Հայաստանում չափազանց մեծ թիվ են կազմում լեգիոնականները. արդյո՞ք դա լավ է մեր առաջնության համար:

- Չգիտեմ՝ ինչից ելնելով են լեգիոներներին հրավիրում: Ես ինքս երկար տարիներ եղել եմ լեգիոներ, հանդես եմ եկել մի առաջնությունում, որտեղ շատ դժվար է խաղալը: Ես գտնում եմ, որ լեգիոները պետք է 2-3 գլուխ ավելի ուժեղ լինի տեղացի ֆուտբոլիստից: Հայաստանի առաջնությունում տեսել եմ շատ լեգիոներների, ովքեր զիջում են մեր երիտասարդ ֆուտբոլիստներին: Եթե ցանկանում ենք լեգիոներ բերել, որ օգուտ տա մեր ֆուտբոլին, ապա պետք է բարձրակարգերին բերենք, որպեսզի տեղի ֆուտբոլիստները նրանցից ինչ-որ բան սովորեն: Օրինակ, ես և Արմենակ Պետրոսյանը (TotalFootball.am / Հայաստանի ազգային հավաքականի նախկին դարպասապահ) այնպես ենք արել, որ երբեք չքննադատեն մեզ: Ես և Արմենակը եղել ենք Իրնի առաջնության լեգիոներների խորհրդանշական հավաքականում:

Կարծում եմ՝ ֆեդերացիան հսկողության տակ պետք է վերցնի, սահմանափակում դնի: Ամեն թիմ 3-4 լեգիոներ ունենա: Լեգիոներների մեծ թիվը վնասում է մեր հավաքականներին:

- Ի՞նչ կասեք Հայաստանի ազգային հավաքականի գլխավոր մարզչի՝ Արթուր Պետրոսյանի և նրա օգնականների մասին:

- Անկեղծ ասեմ, Արթուր Պետրոսյանի նշանակման օրվանից ես հավատում էի մեր հավաքականի հաջողությանը: Հավատում էի, որ մեր հավաքականը կդառնա այն հավաքականը, որը երեք տարի առաջ էր: Արթուր Պետրոսյանը եղել է շատ լավ ֆուտբոլիստ, լավ անձնավորություն, իսկ հիմա՝ շատ լավ մարզիչ: Նույնը կարող եմ ասել նրա օգնականների մասին. Ռազմիկ Գրիգորյանի հետ մանկուց մի թիմում ենք մեծացել: Որպես մարզիչ՝ Գրիգորյանը կարող է օգնել Պետրոսյանին: Սարգիս Հովհաննիսյանի հետ 3 տարի խաղացել եմ ԽՍՀՄ առաջնությունում: Նա երկար ժամանակ է, ինչ աշխատում է Մոսկվայի «Լոկոմոտիվում»: Երեքն էլ լավ ֆուտբոլիստներ են եղել: Դարպասապահների մարզիչը՝ Հայկ Կիրակոսյանը, երկար տարիներ աշխատում է «Փյունիկում»: Հայաստանի դարպասապահների 90 տոկոսը նրա շնորհիվ են կայացել: 2-3 տարի միասին աշխատել ենք «Փյունիկում»: Գիտեմ, որ քրտնաջան աշխատել է, և լավ դարպասապահներ է տվել ազգային հավաքականին և «Փյունիկին»:

Հետաքրքրվեցի և իմացա, որ Շվեյցարիայի մինչև 19 տարեկանների հավաքականի 2-3 ֆուտբոլիստ խաղացել է Արթուր Պետրոսյանի գլխավորությամբ:

Նշեմ, որ Չեռնոգորիայի հավաքականի նկատմամբ տարած հաղթանակը կկրկնապատկի ֆուտբոլիստների ոգևորությունը: 

- Ի՞նչ կարծիքի եք Հայաստանի մինչև 19 տարեկանների հավաքականի մասին:

- Ներկա եմ եղել մինչև 19 տարեկանների հավաքականի բոլոր խաղերին: Ունենք լավ խաղացողներ, որոնց հետ պետք է ծավալի աշխատանք տանել: Մեր ֆուտբոլիստների համար բարդ է Շվեյցարիայի և Հունգարիայի հետ խաղալը: Եթե նկատել եք, մերոնք ֆիզիկապես զիջում էին մրցակիցներին: Բարձրագույն խմբում գրեթե չեն խաղում այդ ֆուտբոլիստների մեծամասնությունը:

- Մեզ հայտնի է, որ Ձեր որդին՝ Արթուրը, խաղում է «Արարատ-2»-ում: Ի՞նչ կասեք նրա մասին:

- Արթուրը 1999 թվականի ծնված է, նա երկար ժամանակ խաղում էր «Փյունիկում»: Երբ ավարտվեց նրա պայմանագիրը՝ տեղափոխվեց «Արարատ»: Չգիտեմ ինչու, բայց ինքը չէր ուզում մնալ «Փյունիկում»: Արթուրը Գալուստ Պետրոսյանի հրավերով տեղափոխվեց «Արարատ», մի քանի մարզումից հետո Պետրոսյանը շատ հավանեց Արթուրի խաղը: Արթուրը լավ տեխնիկա և լավ որակներ ունի: «Արարատում» բոլորը գոհ են նրա խաղից: Նրա մոտ առաջընթաց եմ նկատում, մեծ ապագա ունի: Մնացածը ժամանակը ցույց կտա:

- Մի փոքր խոսենք Հենրիխ Մխիթարյանի մասին: Ըստ Ձեզ՝ ինչու՞ է Մխիթարյանը քիչ խաղաժամանակ ստանում «Մանչեսթեր Յունայթեդում»:

- Ցանկացած ֆուտբոլիստի ժամանակ է պետք, երբ նոր թիմ է տեղափոխվում: Երբ Իրանի հավաքականը մարզական հավաքի նպատակով ժամանել էր Հայաստան, այն ժամանակ ես զրուցեցի Անդոյի (TotalFootball.am / Անդրանիկ Թեյմուրյանի) հետ, նա ինձ ասաց, որ ժամանակի ընթացքում Մխիթարյանը կդառնա Անգլիայի առաջնության լավագույններից մեկը:

Անգլիայում տարբեր է մթնոլորտը: Մխիթարյանը դեռ կդրսևորի իրեն Անգլիայում, աստիճանաբար մարզավիճակ կհավաքի: Նա դեռ շատ բան ունի ապացուցելու: Հենոն հենց այնպես չի տեղափոխվել Անգլիա: Իմանալով Մխիթարյանի պրոֆեսիոնալիզմը՝ երբեք չէի ասի, որ նա սխալվել է Անգլիա տեղափոխվելով: Հենոն դեռ մեզ կուրախացնի:

- Հայաստանի ներկայիս հավաքականում արդյո՞ք կան ֆուտբոլիստներ, որոնց հետ աշխատել եք:

- Գոռ Մալաքյանի հետ աշխատել եմ «Փյունիկ-2»-ում, ինչպես նաև Գոռ Մանուկյանի հետ: Երբեմն «Փյունիկ-2»-ում մարզվում էր Դավիթ Մանոյանը: 

 

Արթին Ազադքոլի (Առաքելյան)





  Լրահոս



Հայաստան

Ո՞ր թիմը կնվաճի Եվրոպա Լիգայի գավաթը

  • Այաքս
  • Մանչեսթեր Յունայթեդ

Տիգրան Բարսեղյանը «Ռոնվայի» դեմ խաղում
81
Ասիայի Չեմպիոնների Լիգա. «Էսթեղլալը» հաղթեց. Հրայր Մկոյանը մասնակցեց խաղին
121
Մանուչարյան. «Մեկ անգամ փորձում ես հայկական ուտելիքը ու այլևս չես ուզում հեռանալ»
340
Էսթեղլալ - Ալ-Այն. Հրայր Մկոյանը մեկնարկային կազմում է (Ուղիղ եթեր)
143
Մխիթարյանի գոլը կարող է ճանաչվել լավագույնը ԱՊԼ-ում
675
Էսթեղլալ - Ալ-Այն. Հրայր Մկոյանը կրկին կխաղա ձախ պաշտպանի դիրքում
135

Ամենաընթերցվածները

 

Շիրակ 17  34
Ալաշկերտ 17

 30

Գանձասար-Կապան 17  27
Փյունիկ 17  27
Բանանց  17  16
Արարատ 17 6



 

 

Բարսելոնա   2   6
Վալենսիա   2   4
Սելտա   2   4
Գրանադա   2   4 
Սևիլիա   2   4
Ատլետիկո Մադրիդ   2   4
Ատլետիկ Բիլբաո   2   3
Ռեալ Սոսիեդադ   2

  3

Վիլյառեալ

  2   3
Ռեալ Մադրիդ   2   3

Էիբար

  2   3
Խետաֆե   2   3
Մալագա   2   3 
Ռայո Վալյեկանո   2   2
Դեպորտիվո   2   1
Էսպանյոլ   2   1
Ալմերիա   2   1
Կորդոբա   2   1
Էլչե   2   1
Լևանտե   2

  0

Միլան

  1   3
Ռոմա   1   3
Ուդինեզե   1   3
Նապոլի   1   3
Չեզենա   1   3
Յուվենտուս   1   3
Կալիարի   1   1
Պալերմո   1   1
Սամպդորիա   1   1
Սասսուլո   1   1
Ատալանտա   1   1
Ինտեր   1   1
Տորինո   1   1
Վերոնա   1   1
Ջենոա   1   0
ՙԿիևո   1   0
Պարմա   1   0
Լացիո    1   0
Էմպոլի   1   0
Ֆիորենտինա

  1

  0
Չելսի  3   9
Սուոնսի  3   9
Ասթոն Վիլա  3   7
Մանչեսթեր Սիթի  3   6
Լիվերպուլ   3   6
Տոտտենհեմ  3   6
Արսենալ  3   5
Սաութհեմփթոն  3   4
Հալ Սիթի  3   4
Սթոուք Սիթի  3   4
Վեսթ Հեմ  3   3
ՔՊՌ  3   3
Սանդերլենդ  3   2
Մանչեսթեր Յունայթեդ  3   2
Լեյթեր  3   2
Նյուքասլ  3   2

Էվերթոն

 3   2
Վեսթ Բրոմվիչ  3   2
Քրիսթալ Փելաս  3   1
Բարնլի  3   1