TotalFootball.am


01.04.21 16:46

Ժիրայր Շաղոյան. «Այսպիսի աջակցությամբ պարզապես չեմ կարող վատ հանդես գալ»


Հայաստանի Ազգային հավաքականի ամենաերիտասարդ ֆուտբոլիստը՝ Ժիրայր Շաղոյանը, Ռումինիայի հավաքականի նկատմամբ ԱԱ-2022-ի ընտրական փուլի 3-րդ տուրում տոնած հաղթանակից (3-2), խոսել է իր զգացողությունների մասին:

«Չգիտեի, որ 21-րդ դարում ծնված առաջին ֆուտբոլիստն եմ, որը հավաքականի կազմում դուրս է եկել խաղադաշտ: Երբ իմացա, շատ ոգևորվեցի ու պարտավորվեցի կարևոր գործողություններ անելու դաշտում և օգնելու իմ թիմին՝ իմ ամենաբարձր որակներով ու ամենաբարձր աշխատասիրությամբ: 

Մարզիչը սկզբում ինձ խաղացրեց «10» համարի դիրքում, հետո, երբ նկատվեց, որ մրցակիցն ավելի շատ պաշտպանական գործողությունների է դիմում, և մենք պետք է ավելի շատ գրոհենք եզրերով, ինձ ասաց, որ դեպի եզր գնամ ու միայն առաջ շարժվեմ, որպեսզի գոլ բերեմ թիմին: Եվ, ինձ թվում է, ինչ-որ չափով սրություն մտցրի խաղում:

Երբ խաղադաշտում եմ հայտնվում, ինձ շատ հանգիստ եմ զգում և այսպիսի աջակցության ներքո պարզապես չեմ կարող վատ հանդես գալ: Բոլորը թիմակիցներս օգնում են», - ասել է Շաղոյանը ՀՖՖ TV-ին տված մեկնաբանության մեջ:





  Լրահոս



Հայաստան


Ամենաընթերցվածները

Արարատ   13   25
Ալաշկերտ   13   25
Լոռի   14   23
Արարատ-Արմենիա   12   21
Նոա   13   19
Ուրարտու   12   18
Վան   15   15
Փյունիկ   13   9
Շիրակ   13   6