ՊՍԺ-ն պատրաստ է «Ռեալի» ավագ և պաշտպան Սերխիո Ռամոսին պայմանագրի լուրջ պայմաններ առաջարկել:
Ինչպես հաղորդում է Onda Cero-ն՝ փարիզցիները պատրաստ են իսպանացուն երեք տարվա պայմանագիր առաջարկել տարեկան 15 միլիոն եվրո աշխատավարձով: Համապատասխանաբար, Ռամոսը ՊՍԺ-ում կարող է ստանալ ընդհանուր 45 միլիոն եվրո: «Սերուցքայինները» պատրաստ չեն ֆուտբոլիստին նման պայմաններ առաջարկել: Ակումբը չի ցանկանում զիջել իր դիրքերը:
Հաղորդվում էր, որ Ռամոսը կարող է հայտնվել ՊՍԺ-ում միայն այն դեպքում, եթե «Ռեալը» ձեռք բերի փարիզյան ակումբի ֆուտբոլիստներից որևէ մեկին: «Ռեալի» հետ Ռամոսի պայմանագիրը նախատեսված է մինչև առաջիկա ամառ:
